心慌意乱
蓝描一下青的身影，无意识地拍一拍后脑，挤出笑脸转身与青交收电话，拉开车门送青回家，希望暂且离开这档烂摊子。
雪灵巧地洞悉青的出现，快速抹乾泪水，盘算着下一步怎样做，心有不甘眼巴巴让他们先离开。
车厢裏，青首先打破沉默。
青（暗暗呼一口气）：「唉哟！好彩电话冇唔见，如果唔係就麻烦啊??」
蓝（神不守舍）：「啊！係呀…… 」
青（鼓起勇气） ：「头先见到你朋友喊得好犀利喎？」
蓝 (感触） ：「佢係我以前女朋友阿雪，三年前粒声唔出走咗去法国，今日突然间又返嚟……」
青（出奇） ：「点解阿雪咁锺意去法国？」
蓝（声音开始沙哑）：「佢由细到大都好锺意煮嘢食，去法国进修厨艺係佢一直嘅梦想??」
青（反问）：「果时你作为佢男朋友，唔係应该支持佢，去追寻自己梦想咩？ 」
蓝（叹一口气）：「佢要走嘅时候，係我人生中嘅谷底，妈咪离开咗，我成个世界好似冧咗一半，好需要佢係我身边支持我，当时佢话个机会好难得，佢唔想放弃??」
青（点点头） ：「明白??」
蓝（眼泛泪光） ：「其实我都安慰自己，自己只不过输咗比一件事，唔係一个人，咁谂就舒服啲……」
青 (同情） ：「明白??实现梦想真係要付出代价……」
蓝（叹一口气） ：「咁，你有咩梦想呀？」
青（尴尬） ：「其实，都唔算係乜嘢梦想，我只係想同我锺意嘅人四围去??」
蓝（出奇） ：「啊！咁，去边呀？」
青（手指摸一下下唇）：「唔，去边度都可以，世界咁大一定会有一个地方适合嘅……」
蓝听后内心颤动一下。
青手中电话又响起， 又是那个伪君子「superhoney」??蓝装出不以为意，但仍竖起耳朵偷听对话??
青（甜笑）：「爹哋？我搵返电话啦！依家朋友送我返紧嚟??」
蓝终于明白了，望一下倒后镜中的自己，真是多幺的傻！蓝醒觉青父女的感情，可以温馨甜蜜得像「超级蜜糖」般！
不消一会，已经抵达清家门，蓝收敛笑容，拉好停车手掣，準备目送她离去??青解安全带时，安全带扣有东西卡住，令她动弹不得，蓝见状伏在椅旁，垂下头替青整理时，蓝隐约听到青的呼吸声，蓝的心跳不由自主地快起来，额头开始冒汗??
青希望安全带问题可以拖延耐一点??青把手放在胸前，一动也不动，静静欣赏眼前的蓝，如何为自己解困，内心非常悸动??青拿纸巾为蓝轻轻的抹汗之际，两人目光不期而遇，大家彷彿只是听到自己，猛烈跳动的心跳声??
咯??咯??咯??咯??
一位中年男子略带微笑，敲打司机旁玻璃，蓝按下车窗回应。
蓝（尴尬） ：「先生！咩事？ 」
「啊！你是蓝？」
蓝（奇怪点解把声咁熟） ：「我是！係又如何？」
「你同我个女喺度做乜嘢？」
青（撒娇）：「爹哋呀！?? 」
蓝 (大吃一惊） ：「世伯！我哋头先解唔开个安全带扣??请你千祈唔好误会啊！??」
「真係咁简单？」
蓝（腼腆） ：「就係咁简单啰！??」
「啊！我都要多谢你送我个女返嚟嘅??青青，你拉低条安全带捐出嚟啦！我哋返屋企啦！」
蓝连忙下车，九十度鞠躬与世伯道别后，目送青背影进入大厦??蓝深深地叹了一口气，默默地仰望天空，希望天上的妈妈能告诉他，下一步可以怎样做??
嘟嘟??嘟嘟??
蓝望一下讯息，航空公司通知，纽约航班有机位了??翌日清晨，蓝拿着行李，出发继续未完成的公干??
