16 怀孕
「叮噹??叮噹??」
一阵室内起哄的欢呼声，俊徐徐打开大门，众人高声叫嚷，为的是迎接这对新鲜出炉的热恋男女??
俊（扮妒忌 咬牙切齿）：哎呀！喺冰岛返嚟成半年，都唔搵下我，都估到你地挂住拍拖，两个係屋企「好忙」架啦??
青（耸耸肩没好气）：收声啦！成个八婆咁！买咗份手信俾你啊！蓝都有一枝同你一模一样??
俊（缩膊头 探头望纸袋）：咁好？啊！原来我同蓝仍然平起平坐喎！wow! 係pot distilled gin 酒！见你咁有诚意！我就脆脆地收咗份礼物先啦！喂！有你最锺意嘅margaux红酒喎！等我斟杯你先！
青（视线转移 摸颈链）：哎呀！今日唔想饮啦！??
青转身走向厨房找东西吃。
俊望向蓝（戚眉 双手插袋） ：啊！你出左院已经有一段时间，做物理治疗有冇进展啊？
蓝（按摩膝头） ：我依家仲有返医院做物理治疗，但係膝头肌肉骨骼嘅康复时间比预期慢??
俊（身体向前倾） ：明白！一阵间我比一本肌肉神经嘅参考书你吖！希望帮到你??咁你先天隐性心脏病，仲有冇跟进？
蓝看到青捧着一碗小蕃茄回来，顿时戚眉单眼，顺势示意俊不要再继续说下去??
蓝（搓手） ：攞咗啲咩返嚟食呀？
青（嘴嘟嘟） ：我想食啲开胃野，有啲五颜六色嘅番茄仔啊！
蓝（扬一下眉） ：点解呢排见你，都唔係好想食嘢咁嘅，如果唔舒服嘅就要睇医生啦??
青不以为意，继续拿了几颗小蕃茄往口裏送，丰富肉汁在嘴裏爆开，番茄汁四散，众人走避不及，俊被逗得哈哈大笑??
蓝看到青狼狈样子，眼睛连忙搜索纸巾，急急忙忙在青的手袋中，拿出纸巾为她解困，青连忙到洗手间整理一下??
蓝把纸巾放回手袋时，瞄了一盒验孕棒，呆了半秒，察觉有身影从后而致，放下纸巾便若无其事继续吃小蕃茄??
俊（施施然） ：蓝，呢本参考书好适合你，你攞返去慢慢睇啦！
蓝（摸下巴） ：唔该晒你！係呢！你同太太结完婚，去咗边渡蜜月啊？
俊（叹气） ：未啊！太太啱啱有咗，个胎都未稳定，唔会周围去住，而诊所得我一个，手停口停，稳定奶粉钱先呀??你咁快谂去边渡蜜月呀？
蓝（面部僵硬） ：讲笑咩！我哋十划都未有一撇！有哈哈哈哈??
俊（咀角上扬拿起红酒碰杯） ：飮啦！呢啲野讲吾埋架嘛！哈哈哈哈??
热闹尽兴的晚饭后，众人都纷纷回家，蓝青坐在寂静的车厢裏， 扣好安全带后，蓝手握着呔盘，定睛的望着沉默青，满不情愿地发动引擎，向着青的家进发?? 青把手袋放在短裙上，心不在焉地哼着最熟悉的一首歌，断断续续不断地重複副歌??
蓝（手指敲吠盘） ：今日好攰吗？
青（低头玩手指）：有少少啊??
蓝（身体倾向青） ：我又唔捨得你啊！不如唔好走，我想你今晚陪我??
青（双手交叉抱臂）：爹哋自己一个喺屋企，我好耐冇陪过佢啦！
蓝（跺脚）：咁我哋第时结咗婚，都要搬走架啦！呵？
青（跷二郎腿）：吓！边个话我要结婚架？
蓝（全身绷紧） ：你迟早都嫁俾我架啦！乜你唔肯定咩？
青（不知好嬲定好笑）：我唔知你喺度讲咩喎！不过，呢排我都计划紧想申请返做空姐，上年生日收到升职通知上机组，最后都放弃左??
蓝（愕然呼吸加快）：吓？我下个月复职后，继续要飞来飞去，之后我哋咪好少机会见啰??
青（摸一下锁骨）：唔??呢个係我暂时嘅谂法啫，未肯定嘅，我哋迟啲再倾吖??
蓝吻别青兼目送她离开，一步一步地走远，内心涌上一股莫名空虚感，蓝独自归家的路途比想像中远，熟练地点着香烟，一手放在呔盘上轻轻敲打，希望有些头绪来??
蓝（喃喃自语）：不肯定我吗？?不肯定什幺？?我不够好吗？?还欠什幺呢？??
